हेरिटेज इंटरनॅशनल स्कूलमध्ये उत्साहात मराठी राजभाषा दिवस साजरा

कासार आंबोली – हेरिटेज इंटरनॅशनल स्कूलमध्ये दि. २७ फेब्रुवारी २०२५ रोजी मराठी राजभाषा दिवस मोठ्या उत्साहाने साजरा करण्यात आला. मराठी साहित्यातील महान साहित्यिक आणि ज्ञानपीठ पुरस्कार विजेते वि. वा. शिरवाडकर ऊर्फ ‘कुसुमाग्रज’ यांच्या जयंतीनिमित्त हा दिवस साजरा केला जातो.

कार्यक्रमाची सुरुवात मान्यवरांच्या हस्ते दीपप्रज्वलन आणि प्रतिमा पूजनाने झाली. त्यानंतर स्वागत नृत्य, भाषण, बडबडगीते, कविता, नाटक, लावणी नृत्य, भारूड, पारंपरिक वेशभूषा सादरीकरण, लोकनृत्य आणि पारितोषिक वितरण समारंभ अशा विविध सांस्कृतिक कार्यक्रमांद्वारे विद्यार्थ्यांनी मराठी भाषा आणि संस्कृतीचा उत्सव साजरा केला. कार्यक्रमाची सांगता पसायदानाने करण्यात आली.

कार्यक्रमात शाळेच्या मुख्याध्यापिका डॉ. सौ. रेणू पाटील यांनी विद्यार्थ्यांना मार्गदर्शन केले, तर सूत्रसंचालन सौ. प्राजक्ता आमराळे यांनी केले. संपूर्ण कार्यक्रमाचे नियोजन शाळेतील ‘Yellow हाऊस’ ने केले होते.

या विशेष सोहळ्याला शाळेचे संस्थापक अध्यक्ष श्री. कृष्णा भिलारे, सचिव सौ. संगीता भिलारे, संचालक श्री. कुणाल भिलारे, व्यवस्थापिका सौ. यशस्विनी भिलारे आणि प्राचार्या डॉ. सौ. रेणू पाटील यांनी उपस्थित राहून विद्यार्थ्यांचे कौतुक केले. मराठी भाषेच्या संवर्धनाचा संदेश देणारा आणि विद्यार्थ्यांमध्ये भाषेचा अभिमान जागवणारा हा कार्यक्रम यशस्वीरीत्या पार पडला.